Nedim Bajrami është një nga lojtarët kryesor të Empolit. Mesfushori i Kombëtares shqiptare e ka nisur sezonin në Serie A në mënyrën më të mirë dhe vlera e tij në merkato njeh vetëm rritje. Empoli pagoi rreth 500 mijë euro për ta blerë dy vite më parë, ndërsa tani kërkon 6 milionë euro për kartonin e tij.
Mediat italiane bëjnë me dije se lojtari kuqezi ka disa oferta nga skuadrat e Serie A dhe Sassuolo është një prej tyre. Trajneri Alessio Dionisi e njeh mjaft mirë lojtarin pasi sezonin e kaluar ishin të dy pjesë e Empolit dhe kërkon ta ketë sërish në ekip, por këtë herë të Sassuolo. Gjatë merkatos së janarit, Bajrami mund të ndryshojë skuadër dhe pritet të transferohet te Sassuolo.
Poll
Lexo gjithashtu
