Klubi i Lazios po punon për t’u përforcuar për sezonin e ardhshëm. Skuadra renditet e dyta në Serie A dhe me shumë mundësi do të luajë në Champions League. Për këtë i duhet një grup i kompletuar lojtarësh.
Prej disa kohësh kanë filluar bisedimet e klubit me disa lojtarë për rinovimin e kontratës si: Milinkovic-Savic apo Luis Alberto. Gjithashtu klubi ka parë mundësinë e afrimit të disa lojtarëve.
Sidomos në repartin e mesfushës bardhekaltrit kërkojnë përforcime. Më parë u fol për afrimin e Wieffer nga skuadra e Feyenoord, që po kalon një sezon mjaft të mirë me hollandezët.
Por së fundmi sytë e Igli Tares kanë qenë tek Cantera e Barcelonës, pikërisht tek mesfushori Marc Casado. Në Spanjë atij i është vënë emri “Busquets i ri”.
Sipas “AS” disa emisarë të Lazios kanë qenë në tribuna në ndeshjen e Barcelona B ndaj Logrones për të parë nga afër 19-vjeçarin Casado. Kontrata e tij me klubin blaugrana skadon në vitin 2024 dhe për të ka patur interes edhe nga klube të tjera të La Liga.
Lexo gjithashtu
