Partizani nuk është fokusuar vetëm te tregu i huaj për të afruar lojtarë, por edhe tek ai vendës, ku vëmendje të madhe kanë lojtarët e rinj që shihen me perspektivë për të ardhmen. Dy janë objektivat momentalë të të kuqve, një qendërmbrojtës dhe një mesfushor me tipare sulmuesi.
Elis Doksani, qendërmbrojtësi 18-vjeçar i Bylisit që luan dhe me kombëtaren U-19 është në fokus nga drejtuesit e kuq. Ai më parë ka luajtur dhe për moshat e Tiranës. Gjithsesi, Doksani është pronë e Bylis. Mirëpo, pritet që të ketë zhvillime mes palëve që të lejohet transferimi për qendërmbrojtësin e talentuar.
Një tjetër objektiv është dhe mesfushori me tipare sulmuese, Yll Karaqa, i cili vjen nga kampionati kosovar. Edhe ai është i ri në moshë, 19-vjeç dhe shihet me perspektivë për të ardhmen. Në rast akordi, aktivizimi i këtyre lojtarëve pritet që të bëhet fillimisht në skuadrën B të të kuqve duke u integruar më pas në atë A.
Lexo gjithashtu
