Presidenti i FSHF dhe njëkohësisht zv.presidenti i UEFA-s, Armand Duka i ka bërë një vizitë Kryetarit të Kuvendit të Kosovës, Glauk Konjufca, i shoqëruar gjithashtu nga presidenti i FFK, Agim Ademi. Në fokus ishte zhvillimi i futbollit në Kosovë dhe projektet e reja që kanë në plan për t’u zhvilluar.
Gjithashtu edhe projektet për një bashkëpunim sa më të frytshëm mes dy federatava ishte një tjetër çështje në fokus si dhe politikat konkrete mes tyre. Për këtë moment Duka ka bërë një postim, ku falenderon z.Konjufca për mikëpritjen, ndërsa tashmë i pret kthimin e vizitës.
“Nisa ditën sot me një takim zyrtar, por që mund të quhet edhe miqësor për pritjen e përzemërt që Kryetari i Kuvendit të Kosovës, z. Glauk Konjufca më bëri. I shoqëruar nga miku im Agimi Ademi, padyshim që fokusi ishte në zhvillimin e futbollit në Kosovë, mbështetjen që qeveria e shtetit të Kosovës i jep futbollit, duke u ndalur edhe te bashkëpunimet e mëtejshme në projekte dhe politika konkrete mes dy federatave. Falënderoj z .Konjufca, jo vetëm për ftesën, por edhe për urimet me rastin e zgjedhjes sime si Zv.President i UEFA dhe vlerësimet për paraqitjen e kombëtares. Të mirëpres në Shqipëri mik!’, ka shkruar Duka në rrjetet sociale.
Lexo gjithashtu
