Mbëmjen e djeshme Juventusi u përball me Milan, takim që u fitua nga “Zonja e Vjetër” me shifrat 1-0. Locatelli ishte vendimtar me golin e tij, duke i shkaktuar kështu humbjen e dytë sezonale kuqezinjve.
Pas ndeshjes Missimiliano Allegri do të ishte shumë i lumtur, ndërsa theksoi se synojnë Champions League këtë sezon.
“Interi, Milani dhe Napoli janë favoritët për “Scudetton”, një ndeshje nuk ndryshon asgjë, ne duhet të kthehemi për të luajtur në Champions League. Ishte një ndeshje e luajtur mirë në mbrojtje në pjesën e parë, pastaj futbolli përbëhet nga episode dhe pati një paraqitje të mirë nga Kean.
E nisëm pjesën e dytë jo shumë mirë, edhe pse ishim në epërsi numerike, duke pësuar disa krosime, për më tepër fundi duhej menaxhuar më mire, për të mos e lejuar Milanin të kundërsulmonte, sepse Leao është në gjendje të zhvlerësojë lojtarin plus. Unë jam shumë i lumtur, duhet t’i falënderoj djemtë”, theksoi Allegri.
Lexo gjithashtu
