Santiago Selmani ka folur pas barazimit 1-1 të Kastriotit kundër Kukësit. Sulmuesi i krutanëve shkëlqeu në këtë sfidë duke realizuar ndaj verilindorëve. Në mikrofonin e Oversport, ai tha:
“Normal që jam i lumtur për golin, por me rëndësi do të ishin 3 pikët. Kështu është futbolli, por s’kemi çfarë bëjmë. Sa i përket golit, janë skema të trajnerit që bëjmë në stërvitje.
Kombëtarja? Normal që e prisja një ftesë nga Kombëtarja U-21. Në 5 gola kemi pësuar vetëm 2 gola. Këto janë zgjedhje të trajnerit. Ato i di ai.
Objektivi individual? Dua të kap formën më të mirë, të ndihmoj skuadër dhe të marrim sa më shumë pikë. Edhe golat dua t’i shënoj.
Më i miri nga vëllezërit? Secili ka rolin e vet, të gjithë jemi aty aty. Të gjithë të punojmë për të marrë më të mirën”, tha ai.
Lexo gjithashtu
