Armand Duka ka falënderuar të gjithë protagonistët që dhanë kontributin e tyre në arritjen e suksesit historik, kualifikimin në EURO 2024.
Presidenti i Federatës Shqiptare të Futbollit tregon se prej sot ka nisur puna për kompeticionin e rëndësishëm që do të startojë në Gjermani. Në kanalin zyrtar në facebook, presidenti Duka shkruante:
“Respekt, mirënjohje e falenderime nga zemra për ekipin tonë kombëtar, stafin teknik e administrativ që na sollën në këtë vend nderi në renditjen e ekipeve. Kualifikimi ishte ëndërr e realizuar dhe më parë, por vendi i parë në grup e renditja si skuadra e 11 e Europës ka qenë e pabesueshme më parë, e sot realitet.
Nga sot, kemi filluar një program të strukturuar për t'u përgatitur më mirë për sfidën tonë të ardhshme, e cila për ne është thelbësore, një rezultat pozitiv në Euro2024.
Mbështetja juaj na mbush me energji pozitive dhe për këtë dua t'ju falenderoj të gjithëve.
Bashkë, ne mund të arrijmë shumë!"
Lexo gjithashtu
