Një nga risitë revolucionare të këtij Botërori është aplikimi i një sistemi të ri gjysmë-automatik për offside. Që nga ndeshja e parë mes Katarit dhe Ekuadorit, sistemi ëri debutimin duke anulluar një gol të amerikano-laitnëve që për syrin e shikuesit nuk u kuptua fillimisht edhe pse u pa disa herë nga përsëritja.
Duke parë suksesin e arritur dhe efikasitetin, kampionati italian Serie A po përgatitet për aplikimin e këtij sistemi. Të dielën do të zhvillohet një mbledhje me arbitrat italian ku do të mbahen seminare për ta përdorur sa më shpejt të jetë e mundur.
Por sipas Gazzetta dello Sport, në kontraditë me atë që deklaroi presidenti i ligës Lorenzo Casini, Federata dëshiron të shtyjë disi kohën dhe të fillojë më 27 janar. Vendimi final do të njoftohet nga Lega Serie A dhe Federata Italiane e Futbollit sëbashku me shoqatën e arbitrave.
Lexo gjithashtu
