Janë luajtur ditën e sotme ndeshjet e vlefshme për javën e 19-të të kampionatit të futbollit maqedonas. Në këto 5 sfida, janë shënuar 8 gola, me ekipet shqiptare që morën rezultate pozitive, por edhe surprizuese.
Struga u shtang në transfertë, ku nuk mori më shumë se një barazim pa gola përballë Rabotnickit të vendin të gjashtë që tashmë shkon në kuotën e 24 pikëve. Në krahun tjetër skuadra e Shpëtim Duros mbetet në vendin e dytë me 40 pikë.
Shkëndija dhe Shkupi ia dolën të fitojnë, respektivisht me Makedonija GP dhe Voska Sport. Kuqezinjtë nga Tetova mposhtën Makedonija GP me rezultatin minimal 1-0, ndërsa Shkupi “likuidoi” 3-0 Voska Sportin. Shkupi mbetet në vendin e parë me 41 pikë, ndërsa Shkëndija e Tetovës me 3 pikë më pak në vendin e tretë të renditjes.
Në ndeshjen e tjera, Breglanica Stip mposhti 2-1 Tikves, ndërsa Sileksi u mund në shtëpi nga Brera Strumica 0-1.
[caption id="attachment_724268" align="alignnone" width="646"]
Tabela e klasifikimit të kampionatit maqedonas[/caption]
Lexo gjithashtu
