Partizani ishte një ndër klubet që zhvilloi lëvizjet më të mëdha në merkaton e janarit, këtu flasim më shumë në hyrje se në dalje. Rrokada që ndodhi te Partizani bëri që disa nga "veteranët" e skuadrës të largohen nga "Demat e Kuq" të mërzituar pasi nuk ishin më në planet e klubit.
Ndërkohë që lidhur me afrimet deri më tani zyrarisht janë konfirmuar dy futbollistë, Bruno Telushi dhe Esat Mala. Ndërkohë që të kuqtë kanë arritur marrëveshjen edhe me disa lojtarë të tjerë. Bëhet fjalë për Lukas Kardozo, Egzon Belisa dhe Emran Ramadani. Edhe pse u tha se prezantimi i lojtarëve të rinj për tifozët do të bëhej dje, kjo gjë nuk ka ndodhur.
Justifikimi ka qenë arritja e akordit me lojtarin tjetër, Besart Abdurrahimin dhe më pas do të bëhet prezantimi i të gjithëve në një ditë në grup, strategji e re kjo për Partizanin që gjithmonë ka nxituar të prezantojë futbollistët e rinj të skuadrës, ndërsa këtë herë i ka mbledhur të gjithë në një ditë.
Lexo gjithashtu
