Flamurtari dështoi edhe një vit tjetër të siguronte ngjitjen në Superiore. Diego Longo kur u transferu në Vlorë e kishte të domosdoshëm si objektiv kryeorë ngjitjen në elitë. Ish-timonieri i Kukësit ka dështuar dhe tashmë stoli i tij është i “lëkundur”.
Puna ka nisur për të gjetur një emër të ri dhe në “tavolinën” e Sinan Idrizit janë plot 6 emra mjaft të njohur në futbollin shqiptar. Sipas shtypit të shkruar Bledar Devolli, Klodian Duro, Migen Memelli, Emiljano Çela, Artim Pollozhani dhe Vlejko Dovedan janë emrat e lakuar.
I pari është trajner te Drenica në Kosovë, Çela është momentalisht në krye të Kastriotit dhe Pollozhani është zv.trajer te Ballkani. Ndërsa 3 të tjerët janë “free” pa ekip. Tashmë emrat janë realë dhe mbetet të presim në ditët në vazhdim për të mësuar së pari çfarë do të ndodhë me Longon dhe më pas për të mësuar kush do të jetë timonieri i kuqezinjve për sezonin e ardhshëm.
Lexo gjithashtu
