Napoli nuk po gjen rehat këtë sezon me trajnerët. Drejtuesit janë në kërkim të një timonieri të ri që mund t’i besojnë skuadrën për sezonin e ri. Në këtë mënyrë a nisur puna, ku disa emra janë në listë.
Antonio Conte është “ëndrra” e napolitanëve, por kjo pistë duket shumë e vështirë për t;u realizuar. Përveç trajnerit italian një kandidat është edhe timonieri aktual i Fiorentinës, Vincenzo Italianon. Ky i fundit pëlqehet shumë nga Aurelio de Lautentiis për shkak të lojës ofensive që zhvillon me skuadrën “vjollcë”.
Por gjithsesi në “pole – position” sipas mediave italiane qëndron Stefano Pioli. Trajneri i Milan nuk e ka të sigurtë qëndrimin e tij te kuqezinjtë për sezonin e ri dhe në këtë mënyrë shikohet si një opsion mjaft i vlefshëm në Napoli.
Kujtojmë se Pioli ka kontratë të vlefshme me Milan deri në qershor të vitit 2025. Mbetet të shihet se çfarë do të ndodhë me stolin e Napolit, i cili aktualisht drejtohet nga Calzona Francesco.
Lexo gjithashtu
