Sezoni i ri i Juventusit ka nisur në një mënyrë shumë të mirë dhe një prej tyre që merr më shumë merita është patjetër dhe Dusan Vlahovic. Bomberi serb ka nisur me këmbë të mbarë këtë sezon duke arritur të realizojë 4 gola në po kaq takime me fanellën bardhezi.
Dy gola Vlahovic arriti t’i shënojë ndaj Lazios këtë fundjavë në fitoren 3-1 të “zonjës së vjetër”. Duke e ditur se çfarë xhevahiri kanë në repartin ofensiv, bardhezinjtë tashmë po mendojnë të zgjasin bashkëpunimin me yllin 23-vjeçar edhe për disa vite.
Siç raporton prestigjiozja “Sportmediaset”, drejtori sportiv i Juventusit Cristiano Giuntoli po negocion me agjentin e serbit, Darko Ristic për rinovimin e kontratës. Kontrata aktuale e Vlahovic me Juventusin skadon në qershor të vitit 2026, ndërsa ideja e Giuntolit është të rinovojë me yllin e sulmit deri në vitit 2027 ose 2028.
Lexo gjithashtu
