Kombëtarja Shqiptare do të luajë ditën e nesërme ndaj Azerbajxhanit në orën 19:00. Një duel shumë i rëndësishëm për kuqezinjtë dhe Sylvinhon. Braziliani do të tentojë të gjithë lojtarët dhe do të vendosë pikat mbi “i” sa i takon listës përfundimtare të Euro 2024.
Si miqësorja ndaj Lihtenshtejnit ashtu edhe dueli me Azerbajxhanit do të luhet në të njëjtën stadium. Në ndryshim me duelin e parë, në këtë sfidë Sylvinho do të ketë të plotë grupin e lojtarëve në dispozicion. Kjo do t’i japë mundësinë që të shikojë të gjithë futbollistet dhe gjendjen e gjithësecilit.
Menjëherë pas miqësoret së nesërme, braziliani do të dërgojë në UEFA listën përfundimtare dhe të “kopsitur” për finalet e Euro 2024. Ndërkohë direkt nga Hungaria kuqezinjtë do të nisen për në Dortmund me datë 8 qershor, për të vazhduar përgatitjet për ndeshje e parë të kampionatit.
Duelin e parë do ta luajnë ndaj Italisë më 15 qershor, takim që do të startojë në orën 21:00 në stadiumin “Signal Iduna Park” në Dortmund.
Lexo gjithashtu
