Anis Mehmeti ditën e djeshme u rikthye sërish protagonist te skuadra e Bristol City. Sulmuesi shqiptar gjeti rrugën e rrjetës që në minutën e 4 në sfidën që skuadra e tij fitoi 2-1 ndaj west Brom.
Futbollisti i Kombëtares hapi serinë e fitores, ndërsa u rikthye te goli pas 4 javësh “agjërimi”. Ndeshja e fundit që kishte shënuar në Championship ishte në duelin e fituar 1-0 ndaj Portsmouth në transfertë, përballje e zhvilluar 1 muaj më parë.
Ndërkohë pas golit të shënuar ditën e djeshme, Mehmeti ka reaguar në rrjetet sociale. 24-vjeçari ka postuar foto duke festuar pas golit të shënuar, ku dukshëm është i buzëqeshur dhe postimi i tij i ka “treguar” të gjitha, pasi fotoja “flet” më shumë se fjalët.
Ndërkohë sa i takon ndeshjeve të këtij sezoni, Mehmeti ka luajtur në 23 sfida, ku ka mundur të shënojë 7 gola dhe të dhurojë edhe 6 asiste, duke qenë vendimtar për anglezët.
View this post on Instagram
Lexo gjithashtu
