Thomas Strakosha do të jetë në një klub të ri duke filluar që nga sezoni që vjen. Portieri i Kombëtares shqiptare do të mbyllë aventurën e tij te Brentford dhe do të vijojë karrierën në Greqi.
Mediet helene raportojnë se gardiani 28-vjeçar ka arritur marrëveshjen me klubin e AEK për këtë sezon. Zyrtarizimi pritet të vijë menjëherë pasi Strakosha të rikthehet nga pushimet e verës.
Të njëjtat burime bëjnë me dije se drejtuesit e AEK i kanë premtuar lojtarit formacionin titullar duke e bërë zgjedhje të parë për kuadratin. Në këtë mënyrë, Strakosha do të ketë në dispozicion minutat që i kanë munguar në Angli.
Një lajm fantastik edhe për trajnerin Sylvinho dhe Kombëtaren shqiptare që do të ketë në dispozicon një portier që aktivizohet rregullisht përpara startit të Nations League dhe kualifikueset e Botërorit 2026.
Lexo gjithashtu
