Shqipëria mposhti Azerbajxhanin me rezultatin 3-1 në miqësoren e fundit në kuadër të përgatitjeve për Euro 2024. Autorët e golave për kuqezinjtë ishin Nedim Bajrami, Rey Manaj e Qazim Laçi të cilët siguruan një tjetër triumf të Kombëtares. Në përfundim të ndeshjes, për mikrofonat e SuperSport foli portieri Thomas Strakosha.
“Jam mirë dhe ndihem shumë mirë. Grupi ndihet dhe stërvitet mirë. Rëndësi ka të mbarojm fazën përgatitore dhe sot u duk pak lodhja. Është mirë që e mbyllëm me fitore dhe tani të përgatitemi për Italinë.
Dihet kualiteti i kundërshtarëve, përgatitemi sa më fort për të qenë gati. Kam besim tek ekipi, të gjithë grupi jemi bashkë. Do të jetë e vështirë të kualifikohemi por kemi treguar që kemi shpirtin shqiptar që nuk dorezohemi kurrë.
Besoj gjithmonë që do të jem numri 1 në kuadrat. E para është Kombëtarja, ai që luan duhet të japë maksimumin pastaj vendos trajneri. Lumturia që jemi në europian duket që nga buzëqeshja. Trajneri vendos, ne duhet të jemi gati”, tha Strakosha
Lexo gjithashtu
