
Pablo Zabaleta gëzon ditëlindjen sot. Asistenti i Sylvinhos në Kombëtare mbush 39 vite dhe stafi kuqezi ka shtruar darkë për të.
FSHF ka uruar paradite latino-amerikanin po jo vetëm aq. Një darkë e madhe është shtruar në nder të festës ku shihet qartazi miku i tij i ngushtë, tekniku brazilian duke i qendruar në krahë dhe në gëzim.
Argjentinasi ka arritur sukses me Shqipërinë duke qendruar krahu i djathtë i teknikut brazilian. Ish-i i Manchester City filloi në vitin 2023 aventurën e parë në akrrierën manaxheriale. Ish-mbrojtësi zgjodhi vendin tonë për të nisur jetën si teknik dhe duket se po i ecën mbarë.
Zabaleta arriti me Sylvinhon të na dërgojë në Europian duke u kthyer në një dyshe të paharrueshme në pankinë si dhe duke marrë jehonë në arenën ndërkombëtare kësaj radhe për aftësitë drejtuese.
