Ekipi i Partizanit në volejboll është shpallur kampion pas fitores me shifrat 3-0 kundër Skënderbeut. “Demat” i fituan të trija setet për t’u “kurorëzuar”, respektivisht 25;13, 25;15, 25;15.
Ky ishte titulli numër 17 në historinë e kampionatit shqiptar të volejbollit, ndërsa në po këtë sezon kanë korrur sukses edhe në Kupë. Ja postimi i plotë i klubit kryeqytetas në rrjetet sociale:
“Pas një sezoni të jashtëzakonshëm, me vetëm një set të humbur në Superligë dhe në Kupë dhe me të gjithë trofet e mundshëm të fituar, Partizani kurorëzon vitin në mëyrën më të mirën të mundshme, duke u shpallur kampion!
Ky është titulli numër 17-të në historinë e klubit! Faleminderit të gjithë atyre që ishin pjesë e këtij rrugëtimi, tifozëve tanë e padyshim sponsorve që nuk e kursejnë mbështetjen në asnjë moment. Shihemi sezonin e ardhshëm”.
Lexo gjithashtu
