Ekipi i basketbollit të Tiranës
Tirana e vajzave është shpallur kampione në basketboll pas 25 vitesh. Gjithçka u vendos vetëm pas 4 ndeshjeve, që bardheblutë luajtën përballë Flamurtarit.
Skuadra e Tiranës ishte pothuajse me duar në trofe, pasi fitoi ndeshjen e parë me rezultatin 61-57 dhe të dytën me rezultatin 60-53, por ndeshja e 3-të ishte ajo ç’ka hapi gjithçka.
Vajzat e Flamurtarit triumfuan në ndeshjen e 3-të me rezultatin 63-60, duke e çuar që gjithçka të vendosej në ndeshjen e 4-t për titull.
Në ndeshjen e katërt, vajzat bardheblu u treguan më të sakta duke triumfuar me rezultatin e thellë 71-51. Gjatë gjithë lojës ishte Tirana ajo që dominoi, duke ngritur kështu lart titullin kampion pas 25 vitesh.
Poll
Lexo gjithashtu
