I ftuar në emisionin "Fire Play" ka qenë specialisti i futbollit, Agim Canaj i cili ka komentuar ecurinë e deritanishme të Superligës.
"Skënderbeu është një hap para të gjitha skuadrave në Superligë dhe këtë e ka treguar përmes rezultateve që ka marrë gjatë këtij sezoni. Por, mendoj se kampionati nuk ka pasur shumë qendrueshmëri. Ndryshimet e trajnerëve në disa skuadra, bënë që Skënderbeu të shkëputej nga rivalët. Ishte Flamurtari në fillim që ndoqi disi hapin e korçarëve duke i qëndruar pranë me pikë, por tani ka pasur rënie të ndjeshme. Tani është Kukësi dhe Partizani që kanë pasur rritje. Nëse Partizani do të jetë një 'kockë e fortë' me këtë formë që po tregon, duhet parë se si do të përfundojë ndeshja kundër Kukësit. Për sa i përket ndeshjes Kamza-Kukësi 0-1, mendoj se duhet të përfundonte 3-1 për vendasit. Por në futboll, duhen shfrytëzuar rastet, ashtu siç bëri sot Kukësi që krijoi dy raste dhe shënoi një gol" është shprehur Canaj.
Lexo gjithashtu
