Napoli do të përballet ditën e nesërme me Interit në kuadër të javës së 36-të të Serie A. Në prag të këtij takimi në konferencën për shtyp ishte i pranishëm Luciano Spalletti. Ky i fundit foli edhe për një nga çështjet më delikate të ditëve të fundit, atë të rinovimit.
“Duhet të them të njëjtat gjëra që kam thënë edhe më parë, duhet të flasë presidenti, unë ia kam thënë të gjitha në darkën e një jave më parë, sqarova gjithçka. Çdo gjë është e qartë, pastaj nëse doni që të bëni lajme dhe ti hidhni benzinë zjarrit, vazhdoni, por gjithçka është sqaruar atë mbrëmje. Pa bërë lojëra, po iu them që të mos shkruani gjëra të pasakta.
Nuk ka qenë nevoja që të bëja ndonjë tratativë, unë nuk kam refuzuar asnjë rritje page dhe nuk kam për të paguar asnjë klauzolë. Nuk është e vërtetë që kam marrë oferta për të drejtuar ekipe të tjera, është një gënjeshtër, nuk është e vërtetë që jam në pritje të skuadrave të tjera. Kush shkruan gjëra të tilla, shkruan gënjeshtra ose i pëlqen që të shkruaj kështu. Nuk është diçka e bukur, por kjo është e vërteta”, ka thënë mes të tjerash trajneri i Napolit.
Lexo gjithashtu
