Sokol Kushta ka reaguar në rrjetet sociale kundër analistëve, të cilët i kritikon për presionin e krijuar para ndeshjes së Kombëtares kundër Izraelit. Legjenda e përfaqësueses shqiptare u kujton të gjithë atyre nëpër studio se kush është kombëtarja e Izraelit.
Ai i fton të jenë më të kujdesshëm si dhe u bën apel që ndeshja fitohet në fushë dhe jo me tangërlliqe. Në fund e mbyll me një thirrje për lojtarët kuqezi që luajnë në liga të forta duke i thënë se emri bëhet i madh, vetëm edhe nëse rezultati do të jetë i tillë. Në facebook-un e tij, Kushta shkruante:
"Kisha 8 ditë që lexoja dhe dëgjoja në televizion nga shumë specialistë dhe lojtarë të Kombëtares që ndeshjen me Izraelin do ta fitonin. Jo 1-0, jo 2-0 deri në 3-0. Dhe pyesja veten: Po këta e dijnë kush është Izraeli? Atë gjë e kuptuam kur filloi minuta e para derisa ra bilbili i fundit.
Kjo ishte një shuplakë për delirantët, të paaftët dhe të gjithë ata që mendojnë se futbolli fitohet me fjalë dhe tangërlliqe. Futbolli është sporti më i lehtë në botë për disa që e bëjnë me fjalë. Ndeshjet fitohen me djersë, punë, gjak. Edhe një gjë. Kur futesh në fushë, emrat bëhen të barabartë, pasi vetëm rezultati të bën të madh".
[caption id="attachment_659726" align="alignnone" width="1362"]
Postimi i Kushtës[/caption]
Lexo gjithashtu
