Kampionët e Kosovës, Drita, është duke e zhvilluar fazën përgatitore në Antalia të Turqisë. Ditën e sotme ata kanë zhvilluar një ndeshje miqësore me skuadrën e Antalyaspor, duke e humbur me rezultatin 2-1. Lajmi bëhet i ditur nga vetë klubi bardhekaltër me anë të një postimi në rrjetin social “Facebook”.
Goli i vetëm për Dritën është shënuar nga Festim Krasniqi, i cili e dërgoi topin në rrjetë me një goditje dënimi.
“Sot klubi jonë ka zhvilluar edhe ndeshjen e dytë kontrolluese ku është takuar me gjigantin e superligës turke Antalyaspor, takim ky që u mbyll me rezultat 2:1 për ekipin turk.
Pë FC DRITA, gol të bukur nga gjuajtja e lirë shënoi Festim Krasniqi që u inkuadrua në pjesë të dytë!
Në këtë takim u inkuadruan të gjithë lojtarët të cilët patën rastin për të treguar formen e tyre!
FC DRITA do të vazhdoj fazën përgaditore në Antalya edhe për disa ditë ku është parapa që ta zhvillojë edhe një ndeshje kontrolluese në ditët në vijim”!