Skuadra kampione e Shqipërisë ka shumë mundësi të humbë një nga titullarët e saj më të mirë në sezonin e fundit, i cili meritoi edhe çmimin “lojtari i vitit”. Sipas “Panorama Sport”, Liridon Latifi, më i kërkuari në radhët e korçarëve nga klubet e huaja, pritet të transferohet në një kampionat më të fortë jashtë vendit. Këtë e vërteton në një farë mënyre edhe merkatoja e deritanishme e Skënderbeut. Drejtuesit e tij kanë marrë jo pak, por tre lojtarë krahë, siç janë Masato Fukui, Enis Gavazaj dhe Shpend Kelmendi, kështu që e ardhmja e Latifit duket jashtë Shqipërisë. Për të ka kohë që interesohen klube të ndryshme dhe duket se ka ardhur momenti për të bërë hapin e madh, ndoshta drejt Belgjikës.
Poll
Lexo gjithashtu
