Trajneri i Egnatias, Edlir Tetova ka folur në konferencën për shtyp në prag të sfidës ndaj Partizanit që do të luhet nesër në orën 16:00 në ‘Arenën e Demave’, e vlefshme për javën e 22-të të Superiores. Teknikun e rrogozhinasve nuk e shqetëson agresiviteti i sulmit të ‘Demave’ pasi sipas tij, Egnatia ka komoditetin e pikëve.
-A është përballja me Partizanin një minifinale ku testohet forca reale e Egnatias?
Nuk është minifinale, është një ndeshje normale për vazhdimësinë e kampionatit.
-Do të ishit i kënaqur me barazimin kundër të kuqëve?
Nuk besoj që do të dali barazim ndeshja nesër, por futbolli i ka 3 rezultatet.
-I druhesh agresivitetit që Partizani ka në repartin e sulmit?
Reparti ofensiv i Partizanit ka agresivitet, por kjo nuk mendoj që do ta zbehi lojën tonë prodhuese sepse kemi komoditetin e pikëve që na e lejon këtë gjë.
-E shikoni këtë duel edhe si hakmarrje pas finales së Superkupës?
Nuk shikoj ndonjë hakmarrje sepse janë dy gjëra të ndryshme, dua vetëm që ekipi të krijojë dhe të jetë i fokusuar në detyrat që u caktoj.
-Kur do ta shohim potencialin real të Egnatias pas ndryshimeve që prodhoi merkato e janarit?
Po bëjmë punë me intesitet te pranueshëm, po i japim lojtarëve dozat e duhura në stërvitje. Besoj që këto 3 javë do jenë vendimtare për të futur lojtarët me rrjedhën e grupit.
-Do e ruaj ekipi juaj kreun deri në fund të sezonit?
Është e vërtetë që kemi një shkëputje, por kjo duhet të mendohet nga të gjithë që na duhet vazhdimësi në rezultate dhe pjekuri për të ruajtur kreun.
Lexo gjithashtu
