Kolonia e futbollistëve shqiptarë te Lokomotiva e Zagrebit sa vjen e rritet.
I fundit që ka firmosur në kryeqytetit kroat është Hajdin Salihu. Mbrojtësi i huazuar sezonin e shkuar te Lokomotiva nga radhët e Llapit ka bindur drejtuesit e ekipit nga Zagrebi, duke firmosur zyrtarisht me ta.
"Hajdin Salihu është transferuar përfundimisht tek skuadra e Lokomotivës së Zagrebit. Futbollisti 19-vjeçar, i cili sezonin e fundit ishte i huazuar tek kjo skuadër tani do jetë pjesë e kampionatit kroat," thuhet në njoftimin e Llapit.
Salihu ishte pjesë e Llapit në sezonin 2018-2019, dhe kishte kontratë deri në vitin 2022.
Por interesi i madh i Lokomotivës së Zagrebit bëri që futbollisti të transferohej në Kroaci, aty ku militojnë shumë futbollistë shqiptarë.
Poll
Lexo gjithashtu
