Një gol i futbollistit Pusi për Përfaqësuesen kombëtare "kuqezi" U-20 ka bërë që Shqipëria të fitojë ndeshjen e parë në Antalia me Përfaqësuesen azere.
Skuadra nën drejtimin e Alban Bushit arriti të administrojë të gjithë lojën teksa gjen edhe avantazhin. Ky sukses në këtë miqësore për këtë formacion vjen edhe si produkt i lojtarëve që aktivizohen në kampionatin shqiptar.
Përballë Shqipërisë aktivizohej kombëtarja e Azerbajxhanit me lojtarë të një moshe më të madhe. Trajneri Alban Bushi që drejton edhe këtë kombëtare (U-20) i gjeti hapësirë aktivizimi të gjithë lojtarëve gjatë pjesës së dytë. Ndeshja gjatë gjithë kohës evidentoi dëshirën e madhe të formacionit kuqezi për ta fituar takimin dhe në minutën e 55-të erdhi goli me anë të lojtarit Belajdi Pusi.
Në këtë ndeshje Bushi provoi shumë lojtarë të rinj në një kohë që realizuannjë performancë shumë të mirë. Veçohet edhe Arbnor Mucolli i datëlindjes 1999 i cili së bashku me disa elementë të tjerë janë një perspektivë shumë e madhe për Kombëtaren U-21 dhe më tej akoma Kombëtaren A.
Lexo gjithashtu
