Mladen Krstajiç është shkarkuar nga pankina e Bullgarisë. Ndeshja miqësore me Shqipërinë duket se ka qenë e fundit për të. Shkarkimi i tij ishte përfolur prej kohësh, por vetëm sot ka ardhur zyrtarizimi.
Bullgaria u mposht 2-0 nga përfaqësuesja jonë, fakt ky që siç duket s’është përtypur nga Federata Bullgare e Futbollit.
“Pas rezultateve që ka arritur skuadra, ka qenë vendim unanim për shkarkimin e Mladen Krstajiç. Pra ishte e natyrshme që të ndodhte.
Ne jemi duke negociuar me një trajner tjetër, jemi në fazën finale, por nuk kemi vendimin përfundimtar. Kështu që ende nuk mund ta shpallim”, ka deklaruar Georgi Ivanov, drejtor teknik i BFU-së.
Krstajiç e drejtoi Bullgarinë për 12 ndeshje, ndërsa tashmë nuk është më në krye të pankinës bullgare.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
