Shpëtim Duro është trajneri i ri i skuadrës së Dritës së Gjilanit në Kosovë. Lidhur me këtë eksperiencë të re dhe arsyen se pse pse ai ka marrë këtë vendim për të nisur një rrugëtim të ri në Kosovë, ai ka folur dhe sqaruar gjithçka për mikrofonin e Supersport.
"Nuk vendosa menjëherë për të ardhur në Kosovë. Drita ka bërë një sezon të shkëlqyer, duke u shpallur kampione e Kosovës, por ka qenë një nisje e keqe e sezonit. Janë kriza, që u ndodhin skuadrave. Nuk është një situatë pozitive, por kontigjenti është po ai që u shpall kampion. Ngarkesa ka qenë e madhe, pasi skuadra ka qenë në aktivitet gjatë verës".
Duro ka shpjeguar gjithashtu pse ka bërë këtë zgjedhje për të vazhduar eksperiencën e tij në Kosovë.
"Pranova, sepse është respekt të marr ekipin kampion, por është edhe përgjegjësi. Kam pasur në skuadrat e mia në Shqipëri shumë lojtarë nga Kosova. Gjithmonë kam pasur respekt, sepse janë profesionistë. E kam ndjekur kampionatin kosovar prej dy-tre vitesh. Kam respekt për të gjithë, edhe trajnerët, sepse kanë punuar në kushte shumë të vështira, pa ndonjë motivim, sepse Kosova nuk ka qenë në arenën ndërkombëtare".
Edhe pse Drita ka humbur në katër ndeshje, sërish trajneri i ri i kësaj skuadre beson se rezultatet pozitive nuk do të mungojnë dhe se ai së bashku me skuadrën do bëjnë një punë të mirë në javët e ardhshme.
"Ne kemi pasur avantazhin që kemi qenë të hapur dhe kemi eksperiencë të madhe. Janë katër humbje dhe duhet të kalojmë këtë situatë, është krijuar një distancë me ekipet e tjera. Skuadra e Dritës ka pësuar shumë gola dhe duhet të punojmë në këtë aspekt. Kundërshtari i radhës, Prishtina, ka një skuadër cilësore. Kur luhet deri minimizohen diferencat dhe dy ndeshjet e radhës janë të rëndësishme për ne".
Lexo gjithashtu
