Partizani u mposht nga Laçi në shtëpi duke shpërdoruar avantazhin e pjesës së parë. Të kuqtë u mundën 1-2, por rastet e shpërdoruara nga lojtarët e kuq ishin për t’i vënë duart në kokë. Nga momenti në moment priteshin golat e rradhës nga ‘Demat’, por finalizimi nuk erdhi me Carën e Rrapajn që patën raste me shumicë.
Sulejman Starova e ka evidentuar këtë në studion e MCN pas ndeshjes duke kritikuar dyshen e Partizanit për egoizmin e treguar në fushën e lojës. Cara pati një mundësi pasimi për Mensah të vetëm në zonë në pjesën e parë, ndërsa Rrapaj për Carën në minutën e 69’ kur ndeshja ishte ende 1-0 dhe mund të vulosej gjithçka.
“Nuk e kam parë ndonjëherë Partizanin të udhëheqë për kaq minuta e të mos e marri veten. Kur ta jep kundërshtari 3 herë dhe ti të mos rrezikosh mendoj që lidhet me difektet që ka reparti e jo faza difensive.
Unë nuk kam parë ndonjëerë rast egoizmi siç kam parë këtë rradhë. E kam konstatuar edhe një herë mungesën e finalizimit te Partizani, por të kesh mundësi t’ja japësh topin shokut që është bosh edhe nuk ia jep kjo duhet rregulluar. Ishte një moment egoizmi”, tha Starova.
Lexo gjithashtu
