Ditën e sotme janë luajtur tre ndeshje të Superligës së Kosovës të vlefshme për javën e 22-të të kampionatit. Tre sfida mjaft interesante, rezultatet përfundimtare të të cilave kanë “ndezur” garën e titullit.
Llapi humbet shansin e artë për të marrë kreun e klasifikimit, duke mos mposhtur dot Prishtinën. Ndeshja e zhvilluar në stadiumin “Zahir Pajaziti” përfundoi në barazim 0-0, me ekipin e Tahir Batatinës që mbetet -1 pikë nga Ballkani kryesues.
Në krahun tjetër, Drita që është një tjetër pretendent, bëri një hap të madh duke mposhtur 2-0 Dukagjinin me golat e Ovouka dhe Obioha. Tashmë “Intelektualët” renditen në vendin e 3-të me vetëm dy pikë më pak se Ballkani i Ilir Dajës, duke e bërë “zjarr” rrugëtimin drejt titullit kampion.
Ndeshja tjetër ishte ajo mes Fushë Kosovës dhe Lirisë së Prizrenit. Dy skuadrat që renditen në fundin e tabelës së klasifikimit e mbyllën ndeshjen në barazim pa gola.
[caption id="attachment_725297" align="alignnone" width="649"]
Tabela e klasfikimit të Superligës së Kosovës[/caption]
Lexo gjithashtu
