Blerim Krasniqi është nga ata futbollistë që do të mbahet mend në kampionatin shqiptar, veçanërisht për aventurën e tij me skuadrën e Skënderbeut. Asokohe korçarët drejtoheshin nga Ilir Daja, i cili arriti të krijonte një ekip të jashtëzakonshëm pavarësisht problemeve prej dënimit të UEFA-s.
Më vonë u transferua te Teuta në Durrës, por me "Djemtë e Detit" nuk mundi të tregonte të njëjtin rendiment si në Korçë. Kësisoj u largua nga Shqipëria për t'iu bashkuar Superligës së Kosovës. Ditën e djeshme, ai ka firmosur me Gjilanin duke u bërë pjesë e kosovarëve edhe për sezonin e ri.
Interes në vendin tonë për shërbimet e tij ka pasur Vllaznia. Megjithatë shkodranët duken se kanë qenë vetëm një opsion, pasi ka zgjedhur të vijojë aventurën në kampionatin kosovar.
Lexo gjithashtu
