Arbin Zejnullai ishte një nga lojtarët më të mirë të Egnatias në fitoren 3-0 kundër Partizanit. Lojtari i rrogozhinasve deklaroi për mikrofonin e Oversport:
“Ndihem shumë i lumtur sepse bëra golin e parë që kur jam këtu. Jam i lumtur që morëm 3 pikë të rëndësishme ndaj kryesuesve të momentit.
Lehtësia? Të them të drejtën isha i bindur që do të fitonim. Jo me rezultat kaq të thellë, por isha i bindur që do t’i merrnim 3 pikët.
Objektivat? Ndeshjet i marrim një nga një. Realisht kemi ekip shumë të mirë dhe mund të ecim shumë mirë. Të jemi të gjithë të bashkuar. Është shumë herët të flitet për Europën. Të shohim në fund. Edhe me Shkëndijën kam bërë kështu dy gola. Nuk duhet të kënaqemi me kaq. Pse jo, të shënoj më shumë gola.
Ftesa e Kombëtares? Unë punoj çdo ditë, sa më fort sa më mirë që një ditë të jem pjesë e Kombëtares. Ëndërr e çdo futbollisti është kjo”, tha ai.
Lexo gjithashtu
