Interi dhe Juventusi do të bëjnë mes tyre edhe llogaritë e gjysmëfinales së dytë në Kupën e Italisë, me sfidën e parë të zhvilluar në Torino që ka përfunduar në barazim 1-1.
Në “San Siro” do të gjykojë Daniele Doveri. Të gjithë tifozët e mbaj mend këtë arbitër, sidomos ato të Juventusit, ku një vit më parë në Superkupën e Italisë do të shkaktonte shumë polemika me vendimet e tij gjatë ndeshjes.
45-vjeçari do t’u mohonte “Zonjës së Vjetër” një penallti “sade”, ndërsa në favor të zikaltërve do të jepte një 11-të metërsh që në fakt ishte faull në sulm. Për t’i shtuar edhe më shumë dyshimet se ka favorizuar zikaltërtit ishte vetë arbitri, i cili u fotografua me çantën me logo të Interit.
Tashmë në rrjetet sociale vetëm disa orë përpara gjysmëfinales së dytë kanë nisur polemikat nga tifozët, të cilët bëjnë komente të shumta në rrjetet socialle.
“Detyra për Interin, tashmë e dimë se si do të përfundojë kjo ndeshje”, shkruan një tifoz në “Twitter”.
“Imagjinoj çfarë do të ndodhte nëse do të ishte një arbitër me çantën e Juventusit”, shkruan një tjetër.
“Sa e neveritshme! Dërguan të njëjtin që shpiku penalltinë e famshme në finalen e Superkupës”, thekson një tifoz tjetër.
Lexo gjithashtu
