Komisioni i Disiplinës dhe Etikës zbardhi vendimet e javës së fundit. Mes dënimeve, pezullimeve, përjashtimeve e gjobavë, është edhe klubi i Erzenit që për të distën herë u dënohet tifozëria. Shijakasit veç gjobës prej 2 milionë lekësh të vjetra do të bëjnë edhe 4 ndeshje në shtëpi pa tifozërinë e tyre.
“KF Erzeni, për sjellje të gabuar të spektatorëve, duke hedhur sende në terrenin sportiv dhe duke shkaktuar dhunë ndaj zyrtarëve të ekipit kundërshtarë, në bazë të neneve 6/3/b, 17/1/c, 17/2/b, 17/2/f, 17/2/h dhe 35 të KDE, dënohet me gjobë në masën 200.000 (dyqind mijë) lekë dhe zhvillimin e 4 (katër) ndeshjeve pa spektatorë”, shkruan FSHF në vendimin e fundit.
4 sfidat që Erzeni do t’i zhvillojë pa spektatorë do të jenë përballë Bylisit, nesër në Kupë, Dinamos, Skënderbeut dhe Partizanit në Superiore. Dyert do të rihapen më 16 mars ndaj Laçit, por sipas rregullave të FSHF-së, klubi i Erzenit do të ketë mundësinë të konvertojë gjysmën e dënimit në gjobë ndaj rikthimi i tifozëve mund të jetë që në ndeshjen përballë korçarëve më 17 shkurt.
Lexo gjithashtu
