Leonardo Bonuçi nuk do të mbajë shiritin e kapitenit te Juventus, të paktën sipas Max Allegrit. Qendërmbrojtësi i njohur do të jetë edhe këtë vit pjesë e “Zonjës së Vjetër” duke mbajtur rolin e liderit në fazën difensive.
Për të ka folur trajneri Allegri, i cili i ka “prerë shpresat” sa i përket shiritit të kapitenit. Madje ai përdor edhe ironinë duke thënë se shtatlarti mund ta blejë një shirit nëse e dëshiron.
“Nëse Bonuçi e ka qejf shiritin e kapitenit, mund ta blejë një dhe ta mbajë në krah. Me mua nuk mund të jetë kapiten sepse u largua drejt Milanit dhe u shkëput jetëgjatësia e tij me Juventusin”, ka deklaruar Max Allegri.
