Tirana barazoi sot 3-3 kundër Laçit, një ndeshje që u dominua nga bardheblutë. Pas takimit, foli trajneri Orges Shehi që kishte kritika për mënyrën se si u pësuan golat. Edhe pse kampionët ishin pranë fitores, goli i realizuar nga kundërshtarët në minutën e 88-të nuk ka lënë shije të mirë te ai. Në fjalën e tij, në prononcimin e zakonshëm për Oversport, Shehi tha:
“Ishte ndeshje e vështirë, pavarësisht kundërshtarit në vend të fundit. Kemi bërë pak gjëra gabim, por e pësuam. Edhe ndaj Partizanit gabuam, por kishim përqëndrimin. Mund ta kishim mbyllur ndeshjen kur ishm 2-1, por disa lojtarë duhet të jenë më altruistë. Futbolli i tillë është. Duhet ta pranojmë rezultatin dhe të mendojmë për ndeshjen tjetër.
Goli i tretë? Nëse prisni gjykim në publik nga ana ime, s’do ta merrni kurrë. Do t’i shohim situatat me qetësi gjatë javës. Do të shohim në vijim.
3 gola? E thashë dhe pak më parë, mund të bënim më mirë. Kjo është ajo që na vjen më keq se në 3 javë s’kishim pësuar, por sot kundërshtari na shënoi 3 herë. E thashë pak më parë, kjo është situatë që ndodh dhe duhet ta përmirësojmë. Sa i përket Xhixhës, ka momentin e tij më të lirë. Disa lojtarë tjerë kanë dalë si ai para porte, por nuk janë të kthjellët. Edhe futbollistë të tjerë kanë pasur situata për të shërbyer apo për të shënuar.
Penalltia? Në situata të tilla, marrja e vendimit është në të qindtën e sekondit. Ndërhyrjet duhet të jenë shumë të sigurta. Nuk mund të bëhen ndërhyrje kur kundërshtari është me shpinë. Më vjen mirë që skuadra reagon. Kur rezultati s’është ku duhet, disa gjëra nuk shkojnë. Ka pasur disa gabime që mund të evitoheshin. Ia bëmë të lehtë kundërshtarit të shënonte 3 gola”, tha ai.
Lexo gjithashtu
