Yll Hoxha bëri një gabim para disa ditësh në mënyrë të pavetëdijshme, teksa në një emision sportiv e quajti shokun e skuadrës "i zi". Tashmë ai ka kërkuar falje për lojtarin e Lirisë, Henri Ëibuez, teksa në një deklaratë në faqen zyrtare të klubit Feronikelit shkruhej:
"Nga: Yll Hoxha- KF “FERONIKELI”
Të nderuar,
Përmes kësaj shkrese, kërkoj falje publikisht për shprehjen time ndaj lojtarit të KF “LIRIA”, Henry Chibueze.
Më datë: 12.03.2017 në emisionin sportiv “2me1” në RTV 21 pa qëllim të keq i jam drejtuar lojtarit në fjalë me termin “i zi”.
Dua të theksoj që nuk kam asgjë kundër, përkundrazi kam thënë fjalë të mira për lojtarin në fjalë. Po ashtu dua të cek që unë kam raporte shumë të mira miqësore si në Shqipëri ashtu edhe në Kosovë me të gjithë lojtarët pavarësisht përkatësisë etnike dhe racore, prandaj dhe jam shprehur aq lirshëm. Shumë herë gjatë karrierës sime kam qenë në një dhomë me lojtarët me ngjyrë, që do të thotë që jam shumë i afërt me të gjithë. Por çdo gjë është keqkuptuar nga persona të caktuar", përfundon falja publike e Ylli Hoxhës.
Lexo gjithashtu
