Shtatshkurtri i përfaqësueses zviceriane, Xherdan Shaqiri është larguar nga Kosova, ku kishte disa ditë që ndodhej për të kaluar një pjesë të pushimeve verore. Ai qëndroi disa ditë në plazhet e Spanjës, më pas në ato të Shqipërisë dhe në fund ishte në Kosovë. 24-vjeçari nga Gjilani u largua nga Kosova duke u nisur për në Zvicër.
"Para se të udhëtojë drejt Anglisë, kam disa punë në Zvicër me reklamat", tha Shaqiri për mediat kosovare. "Kalova disa ditë edhe në Shqipëri. Kalova shumë mirë. Në Kosovë më shumë kam qëndruar me familjarët e mi, të cilët sa herë që me jepet mundësia i vizitoj".
Mesfushori flet për Kosovën, ku thekson se ajo është është pjesë e pandashme e jetës së tij.
"Në Kosovë kam lindur dhe sigurisht se më tërheq vendi. Në Kosovë e kam edhe një pjesë të madhe të familjes".
Mesfushori i lindur në Gjilan nga Kosova u largua pa ndonjë përgjigje nëse do ta përfaqësojë akoma Zvicrën apo do të luajë për Kosovën në të ardhmen. Kosova është pranuar në UEFA dhe FIFA dhe së shpejti do të nisin ndeshjet kualifikuese për botërorin "Rusi 2018".
"Ka kohë", tha shkurt Shaqiri.
[gallery columns="1" size="full" ids="15477"]
Lexo gjithashtu
