Edgar Çani rrezikon të mos luajë në ndeshjen e parë të këtij sezoni futbollistik, kundër Laçit. Shtatlarti i sulmit të kuq vuan një dëmtim të hershëm në gjurin e tij duke vënë në këtë mënyrë në panik stafin e 15-herë kampionëve të Shqipërisë. Mjeku Gjini ka dhënë siguri duke konfirmuar se ai është i gatshëm për lojë, megjithatë në shtypin e shkruar thuhej që situata ishte serioze me sulmuesin e njohur.
Madje theksohej se të kuqtë rrezikojnë ta nisin sezonin pa qendërsulmues. Për këtë ka reaguar analisti i njohur, Xhevdet Zekaj, përmes një statusi në rrjetet sociale i cili kritikonte ashpër duke shkruar: " Gazetarë të mëdhenj thonë se Partizani fillon pa qendërsulmues!! Shaka bajate! Po Xhevahir Sukaj a nuk është një nga sulmuesit gol më të mirë të Superligës? Partizani ka Xhevon dhe kjo mjafton, edhe nëse Çani është i dëmtuar gjithë vitin. Unë besoj. Forca Xhevo!", përfundon Zekaj.
Lexo gjithashtu
