Milan dhe Monza do të përballen në takimin e parë mes tyre, ditën e shtunë(22 tetor) , Takimi i vlefshëm për javën e 11 të Serie A, mbart një rëndësi të veçantë për ish pronarët e Milan që sot janë në krye të Monzas, Berlusconi dhe Galliani.
Rreth këtij takimi ka folur dhe ish sulmuesi i Milan, Pato i cili arriti të shkëlqente gjatë viteve 2007-2013. “Është një moment i veçantë për Monzën që të ketë pronarë si Berlusconi dhe Gallianin. Do të jetë ndryshe në fushë, do të ketë një motivim krejtësisht tjetër. Nuk e dimë se çfarë do të thonë Berlusconi dhe Galliani në dhomat e zhveshjes,(qesh). Tani nuk është vetëm një ndeshje futbolli, ka shumë gjëra në lojë. Është shumë e veçantë, do ta shikoj. Më ftuan në Itali por nuk e di nëse do të vij. Unë jam në Brazil për të bërë një trajtim për gjurin. Por mezi pres të vij në San Siro”.
Lexo gjithashtu
