Finalja e dytë e një grand slemi e humbur brenda pak muajsh për tenisten amerikane Serena Williams, që në momentin më të rëndësishëm nuk arrin të triumfojë. Duket qartë se diçka nuk funksionon ashtu si duhte te numri 1 në botë për femra në tenis, që gjithsesi nuk heq dorë. Këtë vit ka fituar vetëm në turneun Masters të Romës, shumë pak për një kampione si Serena Williams. Duket se tuneli ku ka hyrë që pas humbjes në gjysmëfinalen e US Open ende nuk po mbaron. “Muguruza e meritoi fitoren, pasi i administroi më mirë se unë pikët vendimtare. Nuk mund të them nëse unë luajta më dobët se ajo krahasuar me përballjen e fundit, apo ajo më mirë se mua”, tha tenistja amerikane.
Serena Williams gjatë ndeshjes
Serena është rikthyer në vendlindje, ku do të përgatisë grand slemin e Wimbledon, këtë herë në një sipërfaqe tjetër, atë me bar. “Ka ende gjëra që duhen përmirësuar në lojën time. Fizikisht ndihem mirë dhe nuk mendoj se ndikoi në këtë humbje. Garbine praktikoi një stil tjetër loje nga ai që isha mësuar dhe prisja. Për momentin nuk arrij të gjej shkakun e kësaj humbje. Duket qartë që rivalja ime kishte më shumë inisiativë dhe sulmoi më shumë. Ka një të ardhme të ndritur prëpara, ndërsa e ardhmja ime është Wimbledoni. Më duhet të përgatitem mirë, pasi nuk heq dorë kollaj”, u shpreh Serena Williams.
Loading ...
Leave a Reply
You must be logged in to post a comment.