Gugash Magani ka folur pas ndeshjes me Flamurtarin. Trajneri i Teutës deklaroi për mikrofonin e Supersport:
"Në fakt si gjithmonë finalizimi para portës është një sëmundje që duhet shëruar, por që nuk kemi mundur dhe kjo ka arsyet e veta. Duhet të kemi lojtarë cilësorë për ta bërë këtë. Skuadra ka luajtur me grintë dhe dëshirë, por më shumë me këmbë se sa me mend.
Mendoj se rezultati 0-0 është i drejtë. Sot lamë 2 pikë dhe e them këtë pasi sot na duheshin patjetër 3 pikë. Sulmuesi matet me gola dhe Magani nuk luajti se kishte kontraktim. Maganit ia kam thënë që për sa kohë unë do jem këtu ai do të vuajë qëndrimin tim. I them të gjithë kolegëve të mi mos ta kenë djalin e tyre në skuadrat që ata drejtojnë. Çdo moment duhet të punosh me qetësi, pasi goli futet edhe në minutën e 90-të. Por, momentet e fundit edhe mund të ishim ndëshkuar. Ne jemi poshtë me pikë dhe ka të bëjë shumë edhe psikologjia e lojtarëve.
Në qoftë se e marrim lehtë Korabin, atëherë them që do ta gjejmë veten në Kategorinë e Parë. Do të bëjmë maksimumin për ta fituar ndeshjen. Edhe kjo i ka të tre rezultatet brenda", përfundoi ai.
Lexo gjithashtu
