Trajneri i Egnatias, Edlir Tetova ka folur për mediat në konferencën për shtyp para ndeshjes me Laçin, nesër në orën 13:30 në shtëpi, e vlefshme për javën e 23-të të Superiores.
-Sa janë përshtatur lojtarët e ardhur merkaton e janarit tek Egnatia?
Lojtarët e ardhur në merkaton e janarit janë në rrugën e duhur për t’u përshtatur 100% me skuadrën gjatë kësaj periudhe kemi bërë punë individuale me ta. Si ka shkuar deri më tani përshtatja, ne si staf jemi të kënaqur.
-Jeni skuadra e Superiores që keni shënuar më shumë gola, keni edhe golaverazhin më pozitiv. Cili është sekreti?
Po, kemi shënuar më shumë gola se skuadrat e tjera. Mendoj që gjithë sekreti janë orët shtesë përpara portës.
-Luani me Laçin, çfarë synoni nga ky duel?
Luajme me Laçin, skuadër që në transferta po merr maksimumin e pikëve. Laçi ka organikën e plotë tashmë, parashikoj një duel të luftuar nga dy skuadrat.
-I druheni faktit që kurbinasit kanë mundur Partizanin dhe Tiranën në transfertë?
E citova më lart, Laçi ka marrë maksimumin jashtë fushe ndeshjet e fundit, kështu që do të jemi të kujdesshëm.
-Sa e vështirë është t’i motivosh lojtarët kur je 10 pikë i shkëputur në krye të klasifikimit?
Motivimi im për lojtarët është në detyra jo në pikë. Që të rrisesh nivelin e lojës duhet të jesh i fokusuar te skemat dhe manovrat që të çojnë drejt portës kundërshtare. Lojtarët janë të bindur me atë që unë kërkoj dhe janë të përqëndruar deri tani.
-Sa do ta ndihmojë ekipin një lojtar si Youba Drame?
Lojtar me kualitet, jo më kot e kemi zgjedhur. Do shikojme çfarë fome do ketë dhe patjetër do të jetë ndihmë për ekipin duke u përshtatur fillimisht.
-Nëse riktheni kokën pas, çfarë do të kishit bërë ndryshe?
Nuk kam nostalgji për asgjë, kam filluar ciklin nga fillimi me lojtarët që kanë ardhur më tepër si sfidë personale duke treguar që jemi grup jo individ. Këtë e tregon dhe shpërndarja e golave në skuadër vjet dhe sivjet.
Lexo gjithashtu
