Tensionet midis Serbisë dhe Kosovës vazhdojnë të jenë prezentë jo vetëm në politikë por edhe në futboll. Sëfundmi midis shteteve është hapur një “çështje” e re.
Klubi serb Crvena Zvezda bënë të ditur se janë nisur nga Beogradi për në Kosovë, ku ditën e nesërme do të luajnë ndeshjen e vlefshmë për Kupën e Serbisë ndaj Trepçës së Mitrovicës.
Pas këtij lajmi Federatae e Futbollit e Kosovës, ka kërkuar ndihmën e Policisë së Kosovës për të ndaluar zhvillimin e kësaj ndeshje në territorin e Kosovës, por ende s’ka marrë përgjigje.
Gjithashtu FFK ka këruar ndihmën edhe të UEFA-së e FIFA-së për të ndalur këtë aktivitet të klubit serb, por ka marrë përgjigje negative nga UEFA, e cila I ka kërkuar ta lejojë këtë ndeshje, raportojnë mediat në Kosovë.