Roma është mposhtur në mënyrë turpëruese nga Genoa në transfertë. Në ndeshjen në kuadër të javës së 6-të të Serie A, skuadra e Romës humbi 4-1.
Një ndeshje që u nis mirë nga vendasit duke shënuar me Gudmundsson që në minutën e 5’ të takimit. Por me golin e Cristante në minutën e 22’ u duk se sfida mori një kthesë për ‘verdhekuqtë’. Por Retegui në minutën e 45’ shënoi golin e dytë për Genoan duke e çuar Romën në dhomat e zhveshjes në disavantazh.
Edhe në pjesën e dytë ndeshja ‘fliste’ për Genoan. Ishte Thorsby në minutën e 74’ që shënoi golin e 3-të dhe ish-lojtari i Milanit, Junior Messias në minutën e 81’ që plotësoi ‘pokerin’ për ekipin e tij.
Një humbje turpëruese për Jose Mourinhon dhe ekipin e tij, të cilët renditen në vendin e 16-të të klasifikimit me vetëm 5 pikë. Teksa Genoa ngjitet në vendin e 11-të me 7 pikë të grumbulluara.
Lexo gjithashtu
