Ka përfunduar me rezultatin 0-0 sfida mes Dinamos dhe Vllaznisë e vlefshme për javën e 32-të të Abissnet Superiore. Një rezultat që nuk i përgjigjet aspak rasteve të shumta të krijuara në fushën e lojës.
Mungesa e finalizimit, por dhe gatishmëria e Simonit dhe Zogoviç bënë që ky takim të mbyllej në rrjeta të paprekura. Njëri prej lojtarëve më të spikatur të ndeshjes ishte Rimal Haxhiu i Dinamos, i cili në përfundim të sfidës foli për mikrofonin e Gol pas Goli.
“Jam i lumtur për performancat e mia. Gjithmonë kemi besuar. Loja i ka të tre rezultate por ne gjithmonë jemi futur për të dhënë maksimumin. Kemi bërë ndeshje shumë të mira dhe nuk e kemi merituar të humbnim.
Nuk di ta them për vazhdimin. Jam i fokusuar për momentin te ekipi dhe vetja ime të jap maksimumin”, u shpreh Rimal Haxhiu.
Lexo gjithashtu
