Christian Eriksen nuk mund të rikthehet të luajë në Serie A me defibrilator. Mesfushori i Danimarkës pësoi një arrest kardiak në fushë në sfidën e EURO 2020 ndaj Finalndës, por për fat të mirë pa pasoja të rënda. Disa ditë më vonë Eriksen bëri një operacion duke vendosur defibrillator në rast të parregullsive të mëtejshme kardiake.
Tashmë dilema e lojtarit, Interit, por edhe tifozëve është nëse Eriksen do të rikthehet sërish të luajë në Serie A. Francesco Braconaro , anëtar i komitetit tekniko-shkencor të FIGC ka dhënë një intervistë ditën e sotme lidhur me këtë rast, ndërsa ka dhënë pak shpresa për mesfushorin zikaltër. Nëse Eriksen nuk heq defibrillator nuk do të ketë mundësi që të luajë në Serie A.
“Christian Eriksen nuk mund t’i jepet e drejta të luajë në Itali. Nëse lojtari ka hequr defibrilator, atëherë ai mund të kthehet për të luajtur për Interin”, u shpreh mjeku.
Loading ...
