Rafael Nadal dhe Casper Ruud luajnë sot në finalen e Roland Garros në tenis. Në turneun e Parisit, spanjolli ka mundësinë të kalojë veten, teksa me 13 Grand Slam është në garë për një tjetër trofe në moshën 36 vjeçare.Numri 5 i botës përballet me norvegjezin Ruud që renditet i teti, teksa ndeshja merr jetë sot në 15:00.
Në këtë turne Nadal kaloi Djokovic dhe Zverev, teksa gjermani pësoi një lendim në përballjen me Nadal. Për këtë spanjolli është shprehur i zhgënjyer që kaloi në finale vetem me gjysmën e ndeshjes, duke treguar se më herët e ka kaluar vetë një lëndim të rëndë.
“Më mirë do të humbisja finalen dhe të merrja një etapë të re. Do të isha më i lumtur me një këmbë që funksionon dhe pa dëmtime. Është bukur të fitosh, por jeta është më e rëndësishme se çdo titull. Sidomos pas gjithçkaje që kam arritur në karrierën time.
Unë do të thosha vetëm fjalë të mira për Ruud. Kam respekt të madh për të. Së pari, si mik. Ai ka një karakter të madh dhe si lojtar e respektoj shumë. Ka bërë shumë gjëra të mëdha në vitet e fundit dhe nuk është çudi që ai është këtu”, tha Nadal.
Lexo gjithashtu
